Matumizi ya Ukweli Kinzani Kama Mtindo katika Nyimbo za Les Wanyika na Simba Wanyika

Abstract

Makala hii ililenga kutambulisha aina mbalimbali ya ukweli kinzani kama mtindo wa kazi ya kifasihi. Utafiti wa maktabani na mtandaoni ulifanywa ili kuweza kutambulisha nyimbo za watribu wa rumba wa bendi ya Wanyika. Nadharia ya uhalisia ilitumika katika utafiti huu. Mihili ya nadharia hii ilitufaa katika uchambuzi wa data. Data zilipatikana kutoka kwa nyimbo za bendi hii ya Wanyika. Ukweli kinzani kama mtindo ilitumika ili kuafiki ujumbe wa bendi hii. Ilibainika wazi kuwa mtindo na maudhui ni kama uti na mgongo. Aina mbalimbali za ukweli kinzani zilijitokeza katika uchambuzi wa data. Ukweli kinzani baina ya mtu na jamii ulishamiri sana katika mifano kwa vile matarajio ya jamii na mienendo za mtu hukinzana kila mara. Kuna ukinzani wa mtu binafsi ambapo binadamu mwenyewe anatenda kinyume na matarajio yake. Mbinu hii ni mbinu ambayo inatambulisha kejeli na mbinu zingine kama kinaya katika matumizi yake. Ni vyema mtunzi wa kazi ya sanaa ya fasihi hususani nyimbo atilie maanani dhana au suala la mtindo katika utunzi wake. Kundi la Wanyika lilijenga muumano wa kutolea mfano kati ya mtindo na maudhui.